د ننګرهار ولایت په چپرهار ولسوالۍ کې د ۱۴۵ پروژو چارې پیل شوي
د کلیو بیا رغونې او پراختیا وزارت له خوا په ۱۳۹۸لمریز کال کې د ننګرهار ولایت په چپرهار ولسوالۍ کې د ۱۷۴ پروژو چارې پیل شوي چی له دی پروژو څخه یی ۲۹ پروژې بشپړې او د ۱۴۵ پروژو کار جریان لري، یادو پروژو کې د د ولسي تړون پروګرام د اقراء پروژې له لوري د ۴۰ ښوونځیو لپاره د ودانیو جوړول او ترمیم هم شامل دی .
د ۱۳۹۹ مالی کال لپاره د ۱۸ کیلو متره په اوږدوالي سفالت سړکونه ، ۸۵ مترو په اوږدوالي کانکړیټي پل ، د۱۰۰۰ مترو په اوږدووالي کانالونه او سربندونه او د ۲۵۰۰ مترو په اوږدوالي استنادی دیوالونه او سربندونه د یادې ولسوالۍ لپاره په پلان کې نیول شوي دي.
