په غزني ولایت کې د اوبو رسولو یوې شبکې د جوړولو چارې پيل شوې
د غزني ولایت د کلیو د بیارغونې او پراختیا ریاست له لوري د دغه ولایت د ګیلان ولسوالۍ په بهبود کلا کلي کې د (۹،۲) میلیون افغانیو په لګښت د اوبو رسولو یوې شبکې د جوړولو چارې پيل شوې.
په یاده شبکه کې د (۱۳۰) مترو په ژوروالي د یوې څاه کیندل، د (۳۰) مترمکعب په وړتیا د پاکو اوبو یوې ذخیرې جوړول، د (۱۱۴۷۴) مترو په اوږدوالي پایپ غځول او د (۱۶۴) شیردهنونو نښلول شامل دي.
د دې شبکې د کار په بهیر کې به لسګونه تنه کاریګرو ته د کار زمینه برابره او په بشپړېدو سره به یې د نوموړي کلي (۳۲۳) کورنۍ د څښاک پاکو اوبو ته لاسرسی پیدا کړي.
