د کليو د بيارغونې او پراختيا وزارت سرپرست وزير لغمان ولايت ته سفر وکړ
د کلیو د بیارغونې او پراختیا سرپرست وزیر الحاج ملا محمد یونس اخندزاده لغمان ولایت ته د خپل کاري سفر په ترڅ کې د د ياد ولايت د کليو د بيارغونې او پراختيا ریاست له رئیس مولوي محمد ظاهر زرقمر او پرسونل سره وکتل او ياد فرسونل ته يه لازم هدايات او سپارښتنې وکړي.
محترم وزیرصاحب په خپلو خبرو کې سپارښتنه وکړه چې د ولسونو ستونزو ته په خپل وخت سره رسید ګي وکړئ.
په صداقت او پاک نفسی سره خدمت ترسره کړئ، د فساد سره مبارزه وکړئ ځکه دا زمونږ هیواد دی او مونږ به یې پخپله ابادوو.
محترم وزیر صاحب وویل اوس ددي وخت رارسیدلی چې د خپل مظلوم او بیچاره ولس ته په پوره صداقت او ايماندارۍ سره خدمت وکړو.
همداراز د ریاست کارکوونکو ته یې په خپلو خبرو کې وویل چې دا هیواد او ولسونه ، زیات کار او خدمت ته ضرورت لري، نو باید دنده مسؤلیت وګڼو نه امتیاز.
