په زابل ولایت کې د اوبو رسولو یوه شبکه ګټې اخیستنې ته وسپارل شوه
د کلیو د بیارغونې او پراختیا ریاست تر چتر او نظارت لاندې، د ( UNICFF) ادارې په مالي مرسته او د (ORD) مؤسسې په تخنیکي همکارۍ د زابل ولایت په میزاني ولسوالۍ کې د (3637490) افغانیو په لګښت د اوبو رسولو د یوې شبکې چارې بشپړې او ګټې اخیستنې ته وسپارل شوه.
په یاده شبکه کې د (20) عدده سولر تختو نښلول، د (101) مترو په عمق سره د ژورې څاه کیندل او د (1833) مترو په اوږدوالي سره پایپ غځول شامل دي چې په بشپړیدو سره يې (123) کورنیو د څښاک پاکو اوبو ته لاسرسی پیدا کړ.
