په کاپیسا ولایت کې د (افغانستان معیشتي او ټولنیز ملاتړ پروګرام) د پروژو د کار له جریان څخه نظارت
د کاپیسا ولایت د کلیو د بیارغونې او پراختیا رئیس محترم مفتي سید ابرار محمدي د یاد ریاست تخنیکي او انجنیري ټیم سره د (افغانستان معیشتي او ټولنیز ملاتړ پروګرام) د کرنیزو اوبو د کانالونو د پاککاري پروژو د کار له بهیر څخه چې د کلیو د بیارغونې او پراختیا ریاست تر نظارت او چتر لاندې، د نړیوال بانک (UNOPS) په مالي مرسته او د (CHA) مؤسسې په تخنیکي همکارۍ جریان لري، نظارت ترسره کړ. دغه پروژې د یاد ولایت د حصه دوم کوهستان ولسوالۍ په ملک جي خیل ، فیض علي، کالوطه مرکزي او چخچي کلیو کې پلې کیږي. په حصه اول و حصه دوم کوهستان ولسوالیو کې د (۱۳۶) میلیونه افغانیو په لګښت د نوموړو ولسوالیو د (۷۷) کلیو پراختیايي شوراګانو لپاره د کرنیزو اوبو د کانالونو د پاکولو (۱۴۰) پروژې منظورې شوي او د پلې کیدو په حال کې دي.
