په بلخ ولایت کې د اوبو رسولو یوه شبکه ګټې اخیستنې ته وسپارل شوه
د کلیو د بیارغونې او پراختیا ریاست تر چتر او نظارت لاندې، د یونیسف ادارې په مالي مرسته او د اکټد دفتر په تخنیکي همکارۍ د بلخ ولایت د چهاربولک ولسوالۍ په بهرام خیل کلي کې د 5762123.70 افغانیو په لګښت د سولري برښنا سیسټم سره سمبال د اوبو رسولو د یوې شبکې چارې بشپړې او ګټې اخیستنې ته وسپارل شوه. په دغه شبکه کې د 120 متر په ژوروالي سره د ژورې څاه کیندل، د 23 متر مکعب په حجم سره د اوبو کانکریټي اوسپنې ذخیره، 4148 متر د شبکې ټولیز اوږدوالی ، د 20 سولر تختو او د 65 شیردهنونو نښلول شامل دي چې د یادې شبکې په بشپړیدو سره د نوموړي کلي 164 کورنیو د صحي څښاک اوبو ته لاسرسی پیدا کړ.
