په ننګرهار کې د محافظوي دیوال د جوړولو کار روان دی
د کلیو بیا رغونې او پراختیا وزارت د سیمه ییز پروګرام له لوري د ننګرهار ولایت د کوټ ولسوالۍ په بیرې کلي کې د ۲۷۶ مترو په اوږدوالي د محافظوي پوخ دیوال د جوړولو کار ۴۰ سلنه مخ ته تللی دی.
د یادې پروژې د تطبیق پر مهال به چې له ملي بودیجې تمویل شوې ۲۴۳۰ کاري ورځې رامنځته شي او په بشپړیدو به یې د سیمې ۲۱۰۰ اوسیدونکي ترې ګټه پورته کړي. د یادونې وړ ده چې د دغې پروژې په بشپړیدو به هلته د ځايي اوسیدونکو د ۵۰ جریبه کرهڼیزې ځمکې او باغونو تر څنګ د سیمې ګڼ شمیر کورونه هم د سیلابونو له زیان څخه خوندي کړلی شي.
