په میدان وردګوکې د ۱.۹ میلیونه افغانیو په ارزښت د ۴۳۰ متره استنادي دېوال چارې بشپړې شوې
د کلیو بیارغونې او پراختیا وزارت د ولسي تړون ملي پروګرام له لوري د میدان وردګو ولایت، جلریز ولسوالۍ په قلعه ناظر سیمه کې د ۱.۹ میلیونه افغانیو په ارزښت د ٤٣٠ مترو په اوږدوالي سره د یوه محافظوي دېوال چارې بشپړې او ګټې اخیستنې ته وسپارل شو.
ددې پروژې په ترڅ کې د سيمې ګڼ شمیر اوسیدونکو ته ١٣٨٧ کاري ورځې هم رامنځته شوې وې.
د دې دېوال په رغېدلو سره به د سیمې د اوسېدونکو د ٢٥٠ جریبه کرنیزه ځمکه او ګڼ شمېر استوګنیز کورونه د سیلابونو راوتلو پرمهال له خطرونو خوندي شي.
