په بغلان کې د ۲۳.۸ کیلو متره کانال جوړولو کار روان دی
د کلیو بیا رغونې او پراختیا وزارت د سیمه ییزو پروګرامونو همغږۍ دفتر تر څار لاندې د بغلان ولایت په بغلان جدید ولسوالۍ کې د مرسي کارپس بنسټ له خوا او د KFW په مالي ملاتړ د اوبه خور د ۲۳.۸ کیلو متره کانال جوړولو کار روان دی.
د دې پروژې په تطبیق سره به ۱۱۷۰ دایمي کارونه رامنځ ته شي او ۲۸ زره او ۳۴۳ تنه به یې له ګټو برخمن شي.
یاده دې وي چې په دې کانال سره به ۱۸ زره او ۱۴۰ جریبه کرنیزه د اوبه خور تر منظم پوښښ لاندې راشي، او کروندو ته پر لاره به د اوبو د ضایع کیدو مخه هم ونیول شي.
