په خوست ولایت کې د کلیوالي اقتصاد د پياوړتیا ملي پروګرام په اړه د پوهاوي روزنې ورکړل شوه
د کلیو د بیارغونې او پراختیا وزارت د کلیوالي اقتصاد د پیاوړتیا ملي پروګرام، د خپلو فعالیتونو په لړ کې دا ځل د خوست ولایت مرکز اړوند؛ شمل، لکڼ، متون کلیو په ګدون د مندوزي اسماعیل خېل او ولسوالۍ په ۳۴مختلفو پرمختیایې شوراګانو کې خلکو ته د پروګرام د موخو په اړه د پوهاوي روزنې ورکړلې.
همدا راز، په دې روزنو کې د پروګرام د سیمه ییزو کارکوونکیو لهخوا کلیوالو ته په سپما ګروپونو کې د غړیتوب د ترلاسه کولو، د پیسو د سپمولو په لارو چارو او بیا له سپما شویو پيسو څخه د کاروبار د پیل په اړه هم بشپړ معلومات وړاندې شول.
د یادونې وړ ده چې په دې ټولو پرمختیایې شوراګانو کې خلکو په ځانګړي توګه مېرمنو له پروګرام سره د ګډون ژمنه وکړه او خپلو کلیو کې یې د پروګرام راتګ ته ښه راغلاست وویل.
