په فاریاب کې د ۵.۹ میلیونه افغانیو په ارزښت ۱۴ متره اوسپنیز کانکریټي پل جوړ شو
د کلیو بیا رغونې او پراختیا وزارت د کلیوالي لار جوړولو ملي پروګرام له لوري د فاریاب ولایت په اندخوی ولسوالۍ کې د ۵.۹ میلیونه افغانیو په ارزښت ۱۴ متره اوسپنیز کانکریټي پل جوړ او ګټې اخیستنې ته وسپارل شو.
د دې پل د جوړیدو په ترڅ کې ۱۶۷۰ کاري ورځې رامنځ ته شوې وې او په بشپړیدو سره یې د سبد فروشان، توقوز درک، شمس الدین، میر برکه، بیش کین، دهیکچي خانه او عبدالله مخدوم کلیو ۱۰۲۰۰ تنه اوسیدونکي د لومړنیو خدمتونو له مرکزونو سره وتړل شول.
