په فاریاب کې د ۶۱ میلیونه افغانیو په ارزښت د ۴.۷ کیلومتره سړک د پخولو چارې پیل شوې
د کلیوبیارغونې او پراختیا وزارت د کلیوالي لارجوړونې ملي پروګرام له لوري د فاریاب ولایت د اندخوی ولسوالۍ د عبدالله حافظ له کوڅې تر توقوز درک پورې د ۶۱ میلیونه افغانیو په ارزښت د ۴.۷ کیلومتره سړک د پخولو او نورو اړوندو جوړښتونو د جوړولوچارې پیل شوې.
ددې پروژې په ترڅ کې به ۸۶۰۰ کاري ورځې رامنځته شي او په بشپړیدو سره به یې د دهیکچي خانه، عبدالله مخدوم، توقوز درک، سبد فروشان، امام بخاري، خلیفه شمس الدین، لنګر قدغ، قزل ایاقاو ګرخور خانه ۱۰زره او ۵۰۰ تنه اوسیدونکي د لومړنیو خدمتونو له مرکزونو سره وتړل شي.
