په پکتیا کې ۱۸ مترو په اوږدوالي د کانکریټي پله د جوړولو کار روان دی
د کلیو بیا رغونې او پراختیا وزارت د سیمه ییز پروګرام د همغږی دفتر له لوري د پکتیا ولایت د څمکنیو ولسوالۍ په کوټکي کلي کې د ۱۸ مترو په اوږدوالي د کانکریټي پله د جوړولو کار ۶۵ سلنه مخته تللی دی. د یادې پروژې د تطبیق پر مهال کاریګرو ته ۲۲۱۸ کاري ورځې رامنځته شوې او په بشپړیدو به یې د سیمې ۱۶۱۰ اوسیدونکي ترې ګټه پورته کړي. د یادونې وړ ده، چې د دغې پروژې له لارې به نه یواځې د سیمې یو شمیر کلي یو له بل سره ونښلول شي؛ بلکې د خلکو د تګ او راتګ په برخه کې به هم د پام وړ آسانتیاوې رامنځته شي.
