په روزګان ولایت کې د ۷۲ میلیونه افغانیو په ارزښت د ۱۴۰ متره اوسپنیز کانکریټي پل جوړیدو کار پیل شو
د کلیو بیا رغونې او پراختیا وزارت د کلیوالي لار جوړولو ملي پروګرام له لوري د روزګان ولایت د مرکز ترینکوټ په اب برده کلي کې د نږدې ۷۲ میلیونه افغانیو په ارزښت د ۱۴۰ متره اوسپنیز کانکریټي پل او ۰.۹ کیلو متره نښلونکي سړک جوړولو کار پیل شو.
د دې پروژې په پلي کیدا سره اب برده، تالاني، مالیزي علیا او مالیزي سفلی کلي له ترینکوټ ښار سره ونښلول شي چې ۱۲۰۰ کورنۍ به په مستقیم ډول او ۲۵۰۰ کورنۍ به ترې په نا مستقیم ډول ګټه پورته کړي.
باید ووایو چې د دغه پل د جوړیدو په ترڅ کې به تخنیکي او نا تخنیکي کارګرو ته ۴۵۰۰ کاري ورځې هم رامنځ ته شي.
