په ننګرهارکې د څه باندې ۶۰.۵ میلیونه افغانیو په لګښت د ۲ سړکونو جوړولو کار پیل شو
دکلیو بیارغونې اوپراختیا وزارت دسیمه ییزې پراختیا پروګرام له لوري د ننګرهار ولایت په کامې ولسوالۍ کې د څه باندې ۴۹ نیم میلیونه افغانیو په لګښت د مراد علي لیسې څخه تر ولسوالۍ مقام پورې د ۴.۱ کیلو متر په اوږدوالي د کانګریټي سړک، چې د یاد سړک کانګریټي برخه پنځه متره پلنه ده، ورسره به شل پلچکونه او ۱۷۷۸ مترو په اوږدوالي استنادي دیوالونه هم جوړ شي .
دغه راز په یاده ولسوالۍ کې دکلیوالی لارو دجوړولوملي پروګرام له بودیجې څخه د نږدې ۱۱ میلیونه افغانیو په لګښت د ۹۳۰ متره په اوږدوالي د پیرزایي کلي څخه تر ګوشتوال سیمې پورې د د کانګریټي سړک جوړولو چارې هم پیل شوي چې د نیم متر شولډر په ګډون به پنځه متره سور ولري او ورسره به ۹ پلچکونه او د ۹۹۰ مترو په اوږدوالي استنادي دیوالونه هم د درې میاشتو په موده کې جوړ شي.
د ننګرهار والي ضیا الحق امرخیل او یو شمیر نورو چارواکو ددې پروژو پرانسته وکړه.
