په پروان کې د اوبو لګولو کانال د جوړولو د پروژې کار روان دی
د کلیو د بیا رغونې او پرمختیا وزارت د سیمه ییز پروګرام له لوري د پروان ولایت د بګرام ولسوالۍ په چوب بخش رباط کلي کې د نږدې ۶ میلیونه افغانیو په ارزښت د ۸۸۱ مترو په اوږدوالي د اوبو لګولو کانال د جوړیدو کار ۴۰ سلنه مخ ته تللی دی.
د دغې پروژې د تطبیق پر مهال چې له ملي بودیجې تمویل شوې ۲۹۹۹ کاري ورځې رامنځته کیږي چې په بشپړیدو به یې د سیمې ۸۴۰۰ اوسیدونکي له دغې پروژې ګټه پورته کړي.
د یادونې وړ ده چې دغه پروژه به د سیمې ۲۵۰۰ جریبه کرنیزه ځمکه او د سیمې ګڼ شمیر باغونه د اوبو لګولو تر منظم پوښښ لاندې راولي.
