په سمنګان کې د کوچیانو ایلبند د پراختايي شورا غړو ته د کرونا ویروس په هکله عامه پوهاوی ورکړل شو
د کلیو بیا رغونې او پراختیا وزارت د ولسي تړون ملي پروګرام له لوري او د عامې روغتیا وزارت د لارښود سره سم د سمنګان ولایت د حضرت سلطان ولسوالۍ د آفت خانه کلي د کوچیانو د ایلبند شورا غړو ته د کرونا ویروس په هکله عامه پوهاوی ورکړل شو. په دغه کمپاین کې د شوراګانو غړو ته د کرو نا ویروس د وقایې، د لیږد د مخنیوي د لارو چارو او د ویروس د خطرونو څخه د ځان ساتنې په هکله لازم مالومات وړاندې شول. دوی هم د ولسي تړون ملي پروګرام له لوري د کرونا په اړه د عامه پوهاوي هرکلی و کړ او ژمنه یې و کړه چې په خپله سیمه کې به د کرونا ویروس د مخنیوي په هکله خپل مسؤولیت ادا کړي.
