په بلخ ولایت کې د کلیوالي اقتصاد د پیاوړتیا ملي پروگرام له لوري د پور او سپما کلیوالي اتحادیې او تولیدي گروپونه جوړشول
بلخ د هېواد له لومړنیو ولایتونو څخه دی، چې د کلیو بیارغونې او پراختیا وزارت د کلیوالي اقتصاد د پياوړتیا ملي پروگرام پهکې فعالیت پیل کړیدی.
د کلیوالي اقتصاد د پياوړتیا ملي پروګرام د تېر ۲۰۱۹ز کال راهیسې تر دې دمه د دې ولایت په څلورو ولسوالیو (بلخ، دهدادي، نهرشاهي او چهارکنت) ولسوالیو کې ۷۳۵ د سپما گروپونه، ۲۷ د پور او سپما کلیوالي اتحاديې او ۲۷ تولیدي گروپونه جوړ کړيدي.
د کلیو بیارغونې او پراختیا وزارت د کلیوالي اقتصاد د پیاوړتیا ملي پروگرام به پهخپله ۵ کلنه دوره کې ۹۱۵ د سپما گروپونه، ۱۱۴ د پور او سپما کلیوالي اتحاديې او ۱۱۴ تولیدي گروپونه په ټاکل شوي ولایت کې جوړ کړي، چې د دې گروپونو له طریقه به ورسره ۷۴ میلیونه افغانۍ بلاعوضه مرسته هم ترسره شي.
د یادولو وړ ده، چې پروگرام به د ۵ کلونو په پای کې په بلخ ولایت کې ۹۱۵۰ گټه اخیستونکي ولري، چې له ۸۰٪ ډېر به يې مېرمنې وي.
