د کليو بیارغونې او پراختیا وزیر د پکتیا ولسونو د ستونزو د اوریده په موخه د یاد ولایت له والي شمیم خان کټوازي سره ولیدل
د کليو بیارغونې او پراختیا وزیر پوهندوی مجیب الرحمن کریمي د یک شنبې په ورځ په خپل کاري دفتر کې د پکتیا ولایت له والي شمیم خان کټوازي سره ولیدل. د لیدنې په سر کې د پکتیا والي د کليو بیارغونې او پراختیا وزارت د کارونو ستاینه وکړه او د یاد ولایت د خلکو ستونزې یې د کليو بیارغونې او پراختیا له وزیر سره شریکې کړې، چې د ښوونځيو د ودانیو د جوړولو، د کاریزونو د بیارغونې او نورو پرمختیايي پروژو پلي کول یې مهم یاد کړل.
د کليو بیارغونې او پراختیا وزیر پوهندوی مجیب الرحمن کریمي د پرمختیايي پروژو د پلي کولو، د کليو د اقتصادي ودې د پیاوړتیا او د کاري فرصتونو د ایجاد په برخه کې وزارت مسوول یاد کړو او زیاته کړه، چې په ټول هېواد کې به ۶۰۰۰ ښوونځيو ته دوانۍ جوړې شي، چې د لومړني پړاو چارې یې پیل شوې دي او له بودیجې پیدا کولو وروسته به د دوهم پړاو چارې هم پیل شي، چې له نیکمرغه په دوهم پړاو کې پکتیا هم شامله ده، د دې ترڅنګ به په یاد ولایت د کارېزونو بیارغونې ته هم پاملرنه وشي
