په ننګرهار کې د ۱۳،۵ میلونه افغانیو په لګښت د ۹ پرمختیايي پروژو د بنسټ ډبرې کیښودل شوې
د کلیو بیا رغونې او پراختیا وزارت د ولسي تړون پروګرام (CCNPP) اود ساتنې څارنې نغدي وجهې پروګرام ( MCCG) له لوري د ننګرهار ولایت په چپرهار ولسوالۍ کې د ۹ پرمختیایي پروژو د بنسټ ډبرې کیښودل شوې. پدې پروژو کې د څښاک اوبو ۲۴ څاګانې ،۲۰۸ متره استنادي دیوالونه ، کلیوالي سړکونه ، پلچکونه او د کوڅو او ویالو پخول شامل دي چې له دې ټولګې د ۴،۵ میلونه افغانیو په لګښت د MCCG دوه پروژې او د ۹ میلونه افغانیو په لګښت د ولسي تړون ۷ پروژې شاملې دي چی د یادو پروژو په تطبیق کې لس سلنه ولسي ونډه هم شامله ده .
د غه پروژې د چپرهار ولسوالۍ په کنډيباغ ، چهاردهي، برې چینې، زاري خیلو او یوشمیر نورو کلیو کې پلي کیږي چې نږدې ۲۰۰۰ کورنۍ به ورڅخه په مستقیم ډول ګټه پورته کړي او په ۸ میاشتو کې به یې چارې بشپړې شي .
