په تېره یو میاشت کې د هېواد په ۱۴ ولایتونو کې د څه باندې یو ميليون ډالرو په ارزښت د اوبو رسولو ۴۲ پروژې بشپړې شوې

content_manager
Wed, Jun 12 2019 1:41 PM
آبرسانی

د روان (۲۰۱۹) کال د مې د میاشتې په جریان کې د کلیو د بیارغونې او پرمختیا وزارت په کلیوالي سیمو کې د اوبو رسولو، روغتیاساتنې او اوبو لګولو د ملي پروګرام له لارې  ولایتونو کې د اوبو رسولو ۴۲ پروژې د څه باندې یو ميلیونه امریکایي ډالرو په لګښت  بشپړې شوې.
په دې پروژو کې د بادغیس ولایت په مقر، ابکمري او بالامرغاب ولسوالیو؛ د جوزجان ولایت په خواجه دو کوه ولسوالۍ؛ د پکتیا ولایت په څمکنیو، ځاځي آریوب او ځدراڼو ولسوالیو؛ د هرات ولایت په انجیل ولسوالۍ؛ د بامیانو ولایت په مرکز او پنجاب ولسوالۍ؛ د پروان ولایت په جبل‌سراج ولسوالۍ؛ د تخار ولایت په بهارک ولسوالۍ؛ د خوست ولایت په مرکز او اسماعیل‌خېل مندوزی ولسوالۍ؛ د غور ولایت په مرکز چغچران او د کابل ولایت په چهارآسیاب، استالیف او شکردره ولسوالیو کې د اوبو رسولو د ۱۷ شبکې جوړې شوې، د پکتیا ولایت په ځدراڼو ولسوالۍ کې د ښوونځیو لپاره د دریو صحي مبرزونو او اوو څاه ګانو جوړول او  د پروان ولایت په سیدخیلو ولسوالۍ، د وردګو ولایت په حصه‌ی اول بهسود او چک ولسوالیو او مرکز، د تخار ولایت په ینګي کلا او بهارک ولسوالیو، د کابل ولایت په شکردره ولسوالۍ، د کاپیسا ولایت په حصه اول کوهستان ولسوالۍ او مرکز، د بادغیس ولایت په قلعه‌ی نو ولسوالۍ، د کندهار ولایت په ډنډ ولسوالۍ، د پکتیا ولایت په ډنډپټان او زورمت ولسوالیو، د هرات ولایت په غوریان، روبات سنګي او زنده جان ولسوالیو او د ننګرهار ولایت په اچین ولسوالۍ کې د ۳۴ ژورو او نیمه ژورو څاه ګانو کیندل شامل وو.
په دغو پروژو باندې۱،۱۵۶،۳۰۶ امریکايي ډالره لګښت شوی، چې له دې جملې نه ۵۰۷،۵۷۶امریکايي ډالره د دولت له بودجې د مالیې وزارت لخوا او ۶۴۸،۷۳۰ ډالره په افغانستان کې د یونیسف د ادارې لخوا ورکړل شوي دي. د دغو پروژو په تکمیلېدو سره په پورته ذکر شویو ولایتونو کې د څه باندې ۱۲،۰۰۰ کورنیو لپاره د څښلو پاکې اوبه برابرې شوې.

Latest news

Mon, Jul 15 2019 3:10 PM
Background image

Water provision for 162 families in Kabul

​​​​​​​At a cost of more than AFNs , 3 million , the construction work of two water supply networks has been completed and handed over through the Rural Water Supply, Sanitation and. . .

Mon, Jul 15 2019 2:28 PM
Background image

Distribution of non-food aid for 58 displaced families in Kunduz

Nonfood aid distributed by the Kuduz Rural Rehabilitation and Development Department for 58 families affected by floods in Zard kamar village of Khan abad district of Kuduz province .. . .

Mon, Jul 15 2019 2:22 PM
Background image

Water provision for 280 families in Koot district of Nangarhar

 The construction work of two drinking water supply networks has been recently completed at a cost of AFNs 2 million through the Regional Program of the Rural Rehabilitation and. . .

BACK TO NEWS