د کلیو بیارغونې  او پراختیا وزیر د روزګان د خلکو ستونزې واوریدې

د کليو بیارغونې او پراختیا وزیر پوهندوی مجیب الرحمن کریمي د روزګان ولایت د پارلمان،  ولایتي شورا  د استازو او قومي مشرانو سره د یاد ولایت د ستوونزې د اوریدو په موخه ولیدل.
د لیدنې په پیل کې د روزګان ولایت مشرانو د کلیو بیارغونې او پراختیا له وزیر سره د یاد ولایت  ځینې ستونزې شریکې کړې، چې د ولسي تړون نورو ولسوالیو ته غځول او د ياد پروګرام د کارونو چټکتیا یې تر نورې مهمې یادې کړې.
د کليو بیارغونې او پراختیا وزیر پوهندوی مجیب الرحمن کریمي  دوی ته وویل (٬٬٬٬ ستاسې ټولو ستونزو  او غوښتنو ته  ځان رسول، خپل مسوولیت بولم او له تاسې هم غواړم، چې د پروژو د پلي کولو په برخه کې د وزارت له کارکوونکو سره مرسته وکړئ، ځکه یاد پروګرام ستاسې په مرسته تاسې ته د ژوند لومړنیو اسانتیاوو ته د لاسرسي په موخه پروژې پلې کوي ،،،،)
د دې ترڅنګ د کلیو بیارغونې او پراختیا وزیر د ولسي تړون ملي پروګرام  مسوولینو ته اړوندې سپارښتنې هم وکړې.