په بغلان کې د ۱۹.۹ ميليونه افغانیو په ارزښت ۱۳ پروژې ګټې اخېستنې ته وسپارل شوې
د کليو بیارغونې او پراختیا وزارت د ولسي تړون ملي پروګرام له لوري د بغلان ولایت د مرکزي بغلان په ولسوالۍ کې د ۱۹،۹ ميليونه افغانیو په ارزښت د ۱۳ پروژې ګټې اخېستنې ته وسپارل شوې.
په دې پروژو کې ۵۵ د څښاک د اوبو نېمه ژورې څاګانې، د څښاک اوبو رسولو شبکې، ۱۶۹۵ متره اوږد کانال او ۴۶۵ متره اوږد محافظوي دیوال جوړول شامل دي، چې ۲۳۱۲ کورنۍ به ترې ګټه اخلي.
د یادونې وړ ده، چې د دې پروژو په کاري بهیر کې د سیمې خلکو ته ۸۸۵۸ کاري ورځې هم رامنځته شوي.
