د کندهار ولايت په میوند ولسوالۍ کې د ۱۷ کيلومتره سړک د جوړولو چارې پيل شوې
د کليو د بيارغونې او پراختيا وزارت له لوری د کندهار ولايت په ميوند ولسوالۍ کې د ۳۰ ميليونه افغانيو په لګښت د ۱۷ کيلومتره سړک د جوړولو چارې د يوه غونډی په ترڅ کې پيل شوي.
په دغه غونډه کې د کلیو د بیارغونې او پراختيا وزارت سرپرست وزير الحاج ملا محمد یونس اخندزاده صاحب او ورسره مل پلاوي، د کندهار ولايت د کليو د بيارغونې او پراختيا رئيس،د ميوند ولسوالۍ مسوولينو او دیادو سیمي علماء کرامو، سپین ږیرو او ځوانانو ګډون کړی.
په دغه مراسمو د کليو د بيارغونې او پراختيا وزارت سرپرست وزير الحاج ملا محمد یونس اخندزاده صاحب وينا وکړه او وويل چې د کليو د بيارغوني او پراختيا وزارت د کليوالي سيمو نښلولو او اوسېدونکو ته د خدمتونو رسونه يې مهم لومړيتوب دي او د ولسونو ستونزو د هواري په برخه کې به زياتي نور پروژې هم پلی کړې.
د يادو پروژو د کار په جریان کي به سلګونه تنه کارګرانو ته د کار زمینه برابره او په بشپړيدو سره به د نوموړيو سیمو د اوسیدونکو ستونزی حل شي.
