د ننګرهار په کوټ ولسوالۍ کې د یوه ښوونځي د ودانۍ چارې روانې دي
د ننګرهار ولایت په کوټ ولسوالۍ کې د خېتوانو او کوزوانو کلي ښوونځي لپاره وداني جوړیږي چې د یادې سیمې ۳۶۰ زده کونکو ته به د زده کړو لپاره وړ درسي چاپېریال برابر شي. دغه وداني به ۱۰ درسي او ۲ اداري خونې، ۵ تشنابونه او د څښاک اوبو یوه څاه ولري چې د کلیو بیارغونې او پراختیا وزارت د ولسي تړون ملي پروګرام، اقراء برنامې په چوکاټ کې یې کارونه روان دي. باید یاده کړو چې د ښوونځي په ودانیزو چارو کې د سیمې تخنیکي او ناتخنیکي کاریګرو لپاره ۳۶۸۰ کاري ورځې هم برابریږي.
ديادونې وړده، چې په کوټ ولسوالۍ کې د ولسي تړون ملي پروګرام د اقرا برنامې له لوري ۱۴ښوونځيو ته ودانۍ جوړیږي چې نږدې ۳۵۰۰ زده کوونکيو ته به سالم درسي چاپیريال برابر کړي.
