په تخار کې د۱۹ میلیونه افغانیو په ارزښت د ۱۰.۳۹۳ کیلومتره کرنیز کانال د جوړولو کار روان دی
د کلیوبیارغونې او پراختیا وزارت د سیمه ییزو پروګرامونو د همغږۍ دفتر له لوري د تخار ولایت د مرکز په ګنج علي بیک سیمه کې د جرمنې د پراختیایي بانک په مالي ملاتړ او اغا خان موسسې په همکارۍ د څه باندې ۱۹ میلیونه افغانیو په ارزښت د ۱۰.۳۹۳ کیلومتره کرنیز کانال د جوړولو کار ۳۰ سلنه مخته تللی دی.
دا پروژه ۸۷ د کانال اړوند لوی او واړه جوړښتونه لري چې د دروازې لګول، د لویو او وړو ورخونو بیارغونه او د استنادي دیوال جوړونه او نور په کې شامل دي.چې ۱۱ زره او ۲۰۰ کورنۍ به ترې ګټه پورته کوي.
باید وویل شي چې یاد کانال به ۵۵۳ هکټاره کرنیزه ځمکه او باغونه او۲۳۸ هکټاره شاړه ځمکه د اوبه خور تر منظم پوښښ لاندې راولي.
