په روزګان کې د ۷۷۰ زره افغانیو په لګښت د اوبو لګولو ۲۲۰ متره کانال جوړ شو
د کلیو بیا رغونې او پراختیا وزارت د ولسي تړون ملي پروګرام د ساتنې او څارنې، وجهي پرمختیايي برنامې له لوري د روزګان ولایت د مرکز په شاه ولي کاریز کې د ۷۷۰ زره افغانیو په لګښت د اوبو لګولو ۲۲۰ متره کانال جوړ او ګټې اخیستنې ته وسپارل شو.
د دې پروژې په ترڅ کې ۱۳۲۰ کاري ورځې رامنځ ته شوې وې او تر بشپړتیا وروسته یې ۹۳ کورنۍ له ګټو برخمنې شوې.
یاده دې وي چې یاد کانال ۶۰۰ جریبه کرنیزه ځمکه د اوبو لګولو تر منظم پوښښ لاندې راوسته.
