په تخار کې ۴۰۰ زده کوونکو او ۷۸۰ کورنیو ته د څښاک اوبه چمتو شوې
د کلیو بیا رغونې او پراختیا وزارت د اوبو رسولو او کلیوالي حفظ الصحې ملي پروګرام له لوري د تخار ولایت د مرکز په نو اباد چیغان او ده سبز رستاق کلیو کې د ۸.۳ میلیونه افغانیو په لګښت د اوبو رسولو د دوو شبکو په جوړولو سره ۷۸۰ کورنیو او ۴۰۰ زده کوونکو ته د څښاک پاکې او صحي اوبه چمتو شوې.
دا شبکې په ده سبز رستاق کلي کې ۷۲ متره ژوره څاه، ۲۰ سولري ښیښې، ۵.۷۴۴ کیلو متره تمدید شوی پایپ د احاطې دیوال او نلکې لري. او په نواباد چیغان کلي کې ۱۰۰ متره ژوره څاه، ۲۰ سولري ښیښې، د ۴.۹ کیلو متره پایپ تمدید د احاطې دیوال او نلکې لري.
یاده دې وي چې د دې پروژو په ترڅ کې ۶۸۰۰ کاري ورځې هم رامنځ ته شوې وې.
