په سره رود ولسوالۍ کې ۳۰۰۰ بې وزله کورنیو سره د خوراکی توکیو دمرستو لړۍ پیل شوې ده
د ننګرهار کلیو بیارغونې او پراختیا ریاست ترچتر لاندې د خوړو نړیوال پروګرام WFP په مرسته د FGA په تخنیکي همکارۍ په سره رود ولسوالۍ کې ۳۰۰۰ بې وزله کورنیو ته د خوراکي توکیو د مرستو ویشلو لړۍ پيل شوی ده .
پدې مرستو کې پنځوس کیلو ګرامه اوړه ، ۴،۵ لیتره غوړي اته کیلو ګرامه دال او مالګه شامل دي چې هرې کورنۍ ته به یاد مقدار مواد ددرې میاشتو لپاره ورکول کیږي.
د کلیو پراختیاریاست په همکارۍ په داسې حال کی کلیوالي سیمو کی اړمنو کورنیو ته خوراکی توکی ویشل کیږی چې په بازارونو کی دی لومړنیو خوراکي توکیو بیې د پخوا په پرتله لوړې شوې دي.
