په تیرو4 کلونو کې په خوست کې د څه کم 451 میلیونه افغانیو په ارزښت 60 پرمختیايي پروژې پلې شوي
د کلیو د بیا رغونې او پرمختیا وزارت سیمه ییز پروګرام له 2015 زیږدیځ کال را پدیخوا د 450,968,558 افغانیو په ارزښت 60 عام المنفعه پروژې د خوست ولایت په بیلابیلو سیمو کې تطبیق کړي چې 27 دغه پروژې بشپړې او 33 نورې یې د بشپړیدو په حال کې دي. د دغو پروژو په لړ کې چې 46 یې له ملي بودیجې، 13 یې د نړیوال آسیايي بانک او 1 یې د هند له لوري تمویل شوې 145,527 کاري ورځې رامنځته او 225,770 ځايي اوسیدونکي لدغو پروژو هر اړخیزه ګټه پورته کوي. د دغو پروژو د تطبیق پر مهال استنادي دیوالونه، د اوبو لګولو سربندونه او کانالونه، ټرانسپورټي پلونه، د عامه خدمتونو وداني، ښوونځي، قیر او کانکریټي سړکونه جوړ شویدي. د یادونې وړ ده چې دغو پروژو د ځايي اوسیدونکو د ټولنیز ژوندانه په بیلابیلو اړخونو کې د پام وړ مثبت اغیز شیندلی دی.
