په کندهار کې د ۹.۷ ميليونه افغانيو په ارزښت د دوو ښوونځيو جوړولو کار روان دي
د کليو بيا رغونې او پراختيا وزارت د ولسي تړون پروګرام د اقرا پروژې تر سيوري لاندې د کندهار ولايت د ډنډ ولسوالۍ په چپلاني کلي او د پنجوايي ولسوالۍ په راشدي کلي کې د ۹.۷ ميليونه افغانيو په ارزښت د دوو ښوونځيو جوړولو کار روان دي. دا ښوونځي به ۸ او ۶ ټولګي ۳- ۳ تشنابونه او د ۵۰ مترو په ژوروالي يوه- يوه څاه ولري. دا ښوونځي د نجونو او هلکانو د زده کړو لپاره جوړيږي. د ښوونځيو جوړولو له کبله به ۴۹۳۵ کاري ورځې رامنځ ته شي، او تر بشپړتيا وروسته به يې ۱۳۴۰ کورنۍ ترې ګټه واخلي.
