په میدان وردګ کې د ۷۷۲ میلیونو افغانیو په ارزښت د ۱۴۱ ښوونځیو د جوړولو کار پیل شو

په میدان وردګ ولایت کې د افغانستان د خپلواکۍ د سلمې کلیزې په ویاړ د کلیو بیا رغونې او پرمختیا وزارت د ولسي تړون د اقرا پروګرام له لوري د ۷۷۲ میلیونو افغانیو په ارزښت د ۱۴۱ ښوونځیو د جوړولو چارې پیل شوې.
ددې ښوونځیو له ټولګې یو یې په میدان ښار، ۱۱ یې په جلریز، ۱۹ یې په نرخ ، ۲۲ یې د بهسودو په اوله حصه، ۴ یې د بهسودو په مرکز ۲۵ یې په چک ، ۳۳ یې په سیداباد، ۱۹ یې په جغتو، او ۷ یې په دایمیرداد ولسوالۍ کې جوړیږي.
په ټوله کې باید په میدان وردګ کې ۲۱۷ ښوونځي جوړ شي د ۱۴۱ ښوونځیو چې د سروې او ډیزاین چارې یې تر سره شوې وې د جوړولو کارونه په رسمي ډول پیل شول.