په بغلان کې د ۳.۴ میلیونو افغانیو په ارزښت دوه پرمختیايي پروژې بشپړې شوې
د افغانستان د خپلواکۍ د سلمې کلیزې په ویاړ د کلیو بیا رغونې او پرمختیا وزارت د ولسي تړون پروګرام له خوا د ۳.۴ میلیونو افغانیو په ارزښت د بغلان ولایت په مرکزي بغلان ولسوالۍ کې دوه پرمختیايي پروژې بشپړې او ګټې اخستنې ته وسپارل شوې.
له دې پروژو یوه یې د اوبه خور د ۲۵۰ متره کانال ایستل، او بله یې د څښاک د اوبو ۳ زیرمې دي چې پمپونه یې په لمریزه بریښنا کار کوي، د مرکزي بغلان په قرمقول او سرک پنجم کلیو کې بشپړې شوې، ددې پروژو په پلي کولو سره ۱۶۷۹ کاري ورځې رامنځ ته شوې وې او په بشپړیدو سره یې ۵۷۸ کورنۍ د پروژو له ګټو برخمنې شوې.
