په کونړ ولایت کې د محافظوي دیوال د دوو پروژو فزیکي کار پیل شو
په کونړ ولایت کې د کلیو د بیا رغونې او پراختیا وزارت د سیمه ییز پروګرام له لوري د نږدې ۱۸ میلیونه افغانیو په ارزښت په دوو برخو کې د محافظوي دیوال د جوړولو چارې پیل شوې.
د دغو پروژو په ترڅ کې چې له ملي بودیجې تمویل شوي د یاد ولایت د څوکۍ ولسوالي په ګاریګل سیمه کې د ۷۰۹ مترو په اوږدوالي پوخ محافظوي دیوال جوړیږي.
د دغو پروژو د تطبیق پر مهال به ۸۹۷۴ کاري ورځې رامنځته شي او په بشپړیدو به یې د سیمې ۲۵۷۶ اوسیدونکي ترې ګټه پورته کړي.
د یادونې وړ ده چې د دغو پروژو په بشپړیدو به د سیمې سلګونه جریبه کرنیزه ځمکه او ګڼ شمیر کورونه د سیلابونو له ګواښه خوندي کړل شي او پدې توګه به ځايي اوسیدونکو ته د سیلابونو له اړخه د ځاني او مالي زیان د ور رسیدو مخه نوره ونیول شي.
