په کندهارکې د ۱.۶ میلیونه افغانیو په ارزښت د اوبو لګولو د کانال د جوړولو کار روان دی
د کلیو د بیا رغونې او پراختیا وزارت د ولسي تړون ملي پروګرام له لوري د کندهار ولایت د پنجوایي ولسوالۍ اړوند د حاجی محمدقاسم آغا د پراختیایي شورا لخوا د ۱.۶ ميليونه افغانیو په لګښت د اوبو لګولو د یو کانال د جوړولو کار روان دی. ددې کانال اوږدوالی ۱۴۵۰ متره دی چې پر دې کانال اووه بندونه او ۱۵ د اوبو د وېش دروازې جوړې شویدي. ددې کانال تر بشپړتیا وروسته به ۸۲ کورنۍ ترینه ګټه اخلي. د پروژې د جوړولو په بهیر کې تخنیکي او نا تخنیکي کاریګرو ته ۱۲۳۶ کاري ورځې رامنځته شوي چې د کلیوالو ۱۳۰ جریبه ځمکه به خړوبه کړي.
