په چپرهار ولسوالۍ کې د نږدې ۱۲ ميليونه افغانيو په لګښت د دريو لومړنيو ښوونځيو جوړولو چارې پيل شوې
د کليو د بيا رغونې او پرمختيا وزارت د ولسي تړون ملي پروګرام د اقرا پروژې له لوري د ننګرهار ولايت په چپرهار ولسوالۍ کې د نږدې ۱۲ ميليونو افغانيو په ارزښت د ۳ لومړنيو ښوونځيو جوړولو چارې پيل شوې، ټاکل شوې چې دا پروژه په ۳ مياشتو کې په ۵ جريبه ځمکه کې بشپړه شي.
دغه ښوونځي چې په يو، يو پوړ کې جوړيږي هر يو به يې شپږ، شپږ درسي او اداري خونې، اته، اته تشنابونه د اوبو څاګانې، احاطې او نور ملحقات ولري.