په پکتیکا کې د ۱۲۰ میلیونه افغانیو په ارزښت ۸.۰۶ کیلو متره سړک جوړ شو
د کلیو بیا رغونې او پراختیا وزارت د کلیوالي لار جوړولو ملي پروګرام له لوري د پکتیکا ولایت د ارګون ولسوالۍ له دو مانده کلي تر عباس خیلو پورې د ۱۲۰ میلیونه افغانیو په ارزښت ۸.۰۶ کیلو متره پوخ سړک او ۲۰ متره اوسپنیز کانکریټي پل جوړ شول.
دې سړک دو مانده، خواجه حسن، بولوکي، دوست محمد او عباس خیلو کلي د ارګون ولسوالۍ له مرکز سره ونښلول چې له کبله یې ۳۰ زره کسانو په مستقیم ډول او ۳۸ زره کسانو په نا مستقیم ډول د لومړنیو خدمتونو مرکزونو ته لاره پیدا کړه.
باید ووایو چې ددې پروژې په ترڅ کې ۲۹ زره او ۹۰۰ کاري ورځې هم رامنځته شوې وې.
