په ننګرهار کې د ۱۵.۵ میلیونه افغانیو په لګښت ۱۳۶۸ متره کانکریټي سړک جوړ شو
د کلیو بیارغونې او پراختیا وزارت له لوري د ننګرهار ولایت د کوټ ولسوالۍ ټوکني نواباد ۱۳۶۸ متره سړک د کانکریټ کولو چارې بشپړې او په نږدې راتلونکي کې به ګټې اخیستنې ته وسپارل شي.
دغه سړک د کلیو بیارغونې او پراختیا وزارت د سیمه ییزې پراختیا پروګرام له لوري د ۱۵.۵ میلونه افغانیو په لګښت دخلکو لس سلنه ونډې اخستنې سره په کانکریټي ډول جوړ شوی چې سلګونو کورنیو ته د ترانسپورتي اسانتیاوو سربیره یې ددې سیمې اوسیدونکو ته زرګونه کاري ورځې هم ایجاد کړې وې.
