په ننګرهار کې به سلګونه جریبه ځمکه د سیلابونو او کونړ سیند له څپو وژغورل شي
د ننګرهار ولایت د کلیو بیارغونې او پراختیا وزارت د سیمه ییزې پراختیا (Regional Program ) او د کامې ولسوالۍ د قطب خیلو شورا تر منځ په کامې ولسوالۍ کې د سیلابونو او کونړ سیند له څپو څخه د کرنیزو ځمکو د ژغورلو په موخه د ۱۷،۹ میلونه افغانیو په ارزښت د یوې پروژې هوکړه لیک لاسلیک شو.
دغه پروژه د ۴۴۵ مترو په اوږدوالي سره د یوه بولډر وال ( غټوډبرو استنادي دیوال) جوړول دي.
ددې بولډروال په جوړیدو سره به د کامې ولسوالۍ په قطب خیلو او یوشمیر نورو سیمو کې نږدې ۹۰۰ جریبه ځمکه د سیلابونو له ګواښ څخه وژغورل شي.
