په ننګرهارکې د ۴.۶ میلیونه افغانیو په لګښت د یو کیلو متر اوږد کانال کار روان دی
د کلیو بیارغونې او پراختیا وزارت د ولسي تړون ملي پروګرام له لوري د ننګرهار ولایت د کامې ولسوالۍ اړوند شېرګړجلال پراختیایي شورا لخوا د ۴.۶ میلیونه افغانیو په لګښت د یوه کرنیز کانال کار روان دی چې یو کیلو متراوږدوالی، ۸۵۵ متره سنګکاري او يو نيم متر لوړوالی لري. ددغه کانال په جوړېدو سره به د ځايي خلکو۶۰۰ جریبه کرنيزه ځمکه خړوبه شي او له بشپړیدو وروسته به ۵۲۵ کورنۍ ترې ګټه واخلي. د پروژې د جوړولو په بهیرکې تخنیکي او نا تخنیکي کاریګرو ته ۳۷۳۹ کاري ورځې برابریږي.
د يادونې وړ ده، چې د کامې په ولسوالۍ کې د ولسي تړون ملي پروګرام تر سیورې لاندې د کاسا ۱۰۰۰ برنامې له لوري په بېلابېلو سکټورونو کې ۳۰ پروژې منظورې شوي، د يو شمېر هغو رغنیزې چارې بشپړې او پاتې نورې به يې په نږدې راتلونکي کې تکمیل او ګټه اخيستنې ته وسپارل شي.
