په غور کې د ۹ میلیونه افغانیو په ارزښت د ۳.۵ کیلو متره سړک د جوړیدو کار روان دی
د کلیو بیا رغونې او پراختیا وزارت د سیمه ییزو پروګرامونو د همغږۍ دفتر له خوا د غور ولایت د لعل او سرجنګل ولسوالۍ په سیانوی کلي کې د ۹ میلیونه افغانیو په ارزښت د ۳.۵ کیلو متره سړک د جوړیدو کار ۷۷ سلنه مخکې تللی دی.
د دې پروژې په ترڅ کې ۴۶۳۹ کاري ورځې رامنځ ته شوي چې تر بشپړتیا وروسته به یې ۴۳۵۴ ولسي وګړي ترې ګټه پورته کړي.
باید ووایو چې ددې سړک په جوړیدو سره به د لعل او سرجنګل ولسوالۍ ګڼ کلي یو له بله سره ونښلول شي او تر ډیره به د خلکو ترانسپورتي ستونزې هوارې شي.
