په جوزجان کې د ۹۹۶ زره افغانیو په ارزښت د اوبورسولو د یوې شبکې کار پیل شو
د کلیوبیارغونې او پراختیا وزارت د اوبورسولو او کلیوالي حفظ الصحې ملي پروګرام له لوري د جوزجان ولایت د مرکز شبرغان د ازبیکیه ښار د تنکه کلي په تنکه حسن تابین ښوونځي کې د ۹۹۶ زره افغانیو په ارزښت د اوبورسولو د یوې شبکې د جوړولو کار پیل شو.
دا شبکه یوه ژوره څاه او یوه ۱۰ متر مکعبه زیرمه لري او په جوړیدو سره به یې ۲۰۸۰ زده کوونکي د څښاک پاکو اوبو ته لاسرسی پیدا کړي.
