په تخار کې پر سپما ګروپونو د سپما بکسونه ووېشل شول
د کلیو بیارغونې او پراختیا وزارت د کلیوالي اقتصاد د پیاوړتیا ملي پروګرام له لوري د تخار ولایت په مرکز تالقان او بهارک ولسوالۍ کې د ۵۵ پرمختیايي شوراګانو پر ۵۰۹ سپما ګروپونو د سپما کولو بکسونه او کتابونه ووېشل شول.
د وېشنې په دې مراسمو کې د تخار ولایت د ښځو چارو ریاست استازیو، د پروګرام ولایتي مسوولینو او یو شمېر محلي وګړیو ګډون کړیو.
د یادونې وړ ده، چې په تاسیس شويو ګروپونو کې ۵۵۰۸ تنه غړي شتون لري، چې د منظمو اوونیزو ناستو او داخلي سپما سره يې تر دې دمه له ۲۶۰ زرو افغانیو ډېره سپما کړېده.
