په تخار ولایت کې د ۱.۹۵ کیلومتره کانکریټي سړک کار بشپړ شو
د کلیوبیارغونې او پراختیا وزارت د ولسي تړون د ساتنې او څارنې وجهي نقدي پروګرام (MCCG)له لوري د تخار ولایت د مرکز اړوند په هزاره های زرګري او نواباد زرګري کلیو کې د ۴.۴ میلیونه افغانیو په لګښت د ۱.۹۵ کیلومتره کانکریټي سړک، یو پلچک جوړولو او ۵۰ متره چرۍ د سنګ کاري کولو چارې بشپړې او ګټې اخستنې ته وسپارل شو.
ددې پروژې د پلي کیدا په ترڅ کې ۵۱۴۰ کاري ورځې رامنځته شوي او تر بشپړیدو ورسته یې ۵۳۶ کورنۍ نیغ په نیغه له ګټو برخمنې شوې دي.
