په بلخ ولایت کې د ۴،۵ ملیونه افغانیو په ارزښت د محافظوي دیوال د جوړولو چارې بشپړې شوې
دکلیو د بیا رغونې او پراختیا وزارت د ولسي تړون ملي پروګرام له لوري د څه باندې ۴،۵ ملیونه افغانیو په ارزښت د محافظوي دیوال د جوړولو کار د بلخ ولایت په خلم ولسوالۍ کې بشپړ او ګټې اخیستنې ته وسپارل شو. دغه دیوال ۱۴۰ متره اوږدوالي او ۳ متره لوړوالی لري. نوموړې پروژه د خلم ولسوالۍ د عرب بیګ، قلندران او میرزا شمس د کلیو په پراختیایي شوراګانو پورې اړه لري چې د کار په بهیرکې، فني او غیر فني کاریګروته ۱۱۱۹ کاري ورځې رامنځته وې او اوس ۳۲۰ کورنۍ ترینه ګټه اخلي.
