په کندوز کې څه د باندې ۴ میلیونه افغانیو په ارزښت د دوو پرمختیایي پروژو کار روان دی
د کلیو د بیا رغونې او پراختیا وزارت د ولسي تړون ملي پروګرام د څارنې، ساتنې او ودانۍ له پاره د پراختیایي نغدي وجهې پروګرام MCCG) ) له لوري د کندز ولایت د مرکز اړوند د چهار تاق نمبر یک په کلي د د ۴ میلیونه افغانیو په لګښت مخافظوي دیوال د جووړلو او پرسړک باندې د شګې اچولو کار روان دی. د دغو پروژو د محافظوي دیوال اوږدوالی ۱۶۰ متره دی چې تر اوسه ۸۰٪ کار پرمختګ کړی او د سړک اوږدوالی ۳۴۸۱ متره دی چې کار یې ۴۵ ٪ بشپړ شوی. د نوموړو پروژو د کار په بهیر کې ۶۰۰ ماهر او غیر ماهر کاریګرو ته به ۶۹۰۸ کاري ورځې رامنځته شي او له بشپړیدو وروسته به ۶۷۱ کورنۍ ترې ګټه اخلي.
