د کلیو د بیارغونې او پراختیا وزارت کارکوونکو لپاره د دیني درسونو د ازموینې د کلنۍ پایلو اعلان او د ستاینلیکونو ویش

noor_admin
پنجشنبه ۱۴۰۲/۵/۵ - ۱۰:۳۲
1

د کلیو د بیارغونې او پراختیا وزارت د دیني درسونو د ازموینې کلنۍ پایلې نن له غرمې مخکې د یوې غونډې په ترڅ کې چې د دغه وزارت په انګړ کې ترسره شوه اعلان او د یاد وزارت د دعوت او ارشاد ریاست له لوري مخکښو کارکوونکو ته ستاینلیکونه وویشل شول.

په یاده غونډه کې د کلیو د بیارغونې او پراختیا وزارت سرپرست الحاج ملا محمد یونس آخندزاده، د لوړو زده کړو وزارت سرپرست محترم شیخ القرآن والحدیث مولوي ندا محمد (ندیم)، د دعوت او ارشاد عمومي رئیس محترم مولوي محمد هاشم (شهید ورور)، د وزارت د کلیو ودانیزو چارو مرستیال محترم مفتي سید احمد (مستقیم)، د مالي او اداري مرستیال محترم مولوي عبدالرحمن (حلیم)، د پلان او پالیسي مرستیال محترم مولوي شرف الدین (مسلم)، د وزارت مرکزي رئیسانو، د اسلامي امارت مجاهدینو او د وزارت کارکوونکو ګډون کړي وو.

یاده غونډه د قران کریم د څو مبارکو آیتونو په تلاوت سره پيل شوه. ورپسې د همدې وزارت د دعوت او ارشاد رئیس محترم مفتي احسان الله (ابوالفیضان) میلمنو او حاضرینو ته د ښه راغلاست ترڅنګ د دیني درسونو او د هغو د اهمیت او په دې درسونو کې د وزارت د کارکوونکو د فعالې ونډې په اړه خبرې وکړې.

وروسته د کلیو د بیارغونې او پراختیا وزارت د کلیو ودانیزو چارو مرستیال محترم مفتي سید احمد (مستقیم) د دعوت او ارشاد ریاست د اهدافو او فعالیتونو په اړه هر اړخیزې خبرې وکړې او د وزارت کارکوونکي يې د دیني علومو زده کړې ته وهڅول.

ورپسې د لوړو زده کړو وزارت سرپرست محترم شیخ القرآن و الحدیث مولوي ندا محمد (ندیم) د اسلامي نظام او د امر باالمعروف او نهی عن المنکر د مسئوولیتونو په هکله خبرې وکړې وویل: اسلامي نظام باید خلک ښو اخلاقو، نیکو اعمالو، عقایدو او اسلامي عباداتو ته متوجه کړي.

همدارنګه د امر بالمعروف و نهی عن المنکر وزارت د دعوت او ارشاد رئیس محترم مولوي محمد هاشم (شهید ورور) او د وزارت د پلان او پالیسي مرستیال محترم مولوي شرف الدین (مسلم) هم د دغه موضوع په تړاو خبرې وکړې.

د غونډې په پای کې د دعوت او ارشاد عمومي رئيس له خوا محترم وزیر صاحب او د دعوت او ارشاد رئیس ته ستاینلیک ورکړ شو او همدارنګه (۱۱) تنه هغو کارکوونکو ته چې د دیني درسونو ازموینو کې لوړې نمرې ترلاسه کړې وې د وزارت د رهبري هیئت او د وزارت د ارشاد او دعوت ریاست له خوا ستاینلیکونه او ډالۍ وویشل شوې.

 غونډه  د دعايې په ویلو سره پای ته ورسیده.

تازه خبرونه

چهارشنبه ۱۴۰۳/۳/۲۳ - ۸:۴۲
Background image

د کلیو د بیارغونې او ڀراختیا وزارت له لوري په هرات ولایت کې د اوبو یو کوچنی بند ګټې اخیستنې ته وسپارل شو

د کلیو د بیارغونې او پراختیا وزارت له لوري د هرات ولایت د زاول ولسوالۍ په آبگرمک کلي کې د څه باندې (۵،۴) میلیونه افغانیو په لګښت د اوبو د یوه کوچني بند د جوړولو چارې بشپړې او نن د یوې. . .

سه‌شنبه ۱۴۰۳/۳/۲۲ - ۱۷:۲۰
Background image

په کابل ولایت کې د اوبو رسولو یوه سولري شبکه ګټې اخیستنې ته وسپارل شوه

د کلیو د بیارغونې او پراختیا وزارت له لوري او د (NCA) دفتر په مالي مرسته د کابل ولایت د کلکان ولسوالۍ په جویبار کلي کې د څه باندې (۴) میلیونه افغانیو په لګښت د اوبو رسولو د یوې سولري. . .

سه‌شنبه ۱۴۰۳/۳/۲۲ - ۱۴:۱
Background image

د کلیو د بیارغونې او پراختیا وزارت له لوري په هرات ولایت کې د اوبو رسولو یوه سولري شبکه ګټې اخیستنې ته وسپارل شوه

د کلیو د بیارغونې او پراختیا وزارت له لوري، د وزارت او یونیسف دفتر په مالي مرسته د هرات ولایت د کهسان ولسوالۍ په کمانه کلي کې د څه باندې (۳۲) میلیونه افغانیو په لګښت د اوبو رسولو د یوې. . .

BACK TO NEWS