د کلیو د بیارغونې او پراختیا وزارت د مرکزي او ولایتي رئیسانو روزنیز ورکشاپ ترسره شو
د کلیو د بیارغونې او پراختیا وزارت د ولایتي او مرکزي رئیسانو درې ورځنی دایر شوی روزنیز ورکشاپ د یاد وزارت د سرپرست وزیر الحاج ملا محمد یونس اخندزاده صاحب په مشرۍ د انټرکانټینینټال هوټل په تالار کې ترسره شو.
په یاد ورکشاپ کې د کلیو د بیارغونې او پراختیا وزارت سرپرست وزیر الحاج ملا محمد یونس اخندزاده صاحب، د وزارت مرستیالانو، مرکزي او ولایتي رئیسانو ګډون کړی وو.
د یاد وزارت سرپرست وزیر الحاج ملا محمد یونس اخندزاده د ورکشاپ په پیل کې وینا وکړه او وويل د کلیو د بیارغونې او پراختیا وزارت هغه وزارت دی ، چې د هېواد په ټولو ولایتونو کې د پام وړ فعالیتونه لري او همدا راز د همکارو مؤسسو په همکارۍ او همغږۍ په کليوالي سیمو کې بیلابیلې پروژې پلې کوي.
وروسته ولایتي رئیسانو په نوبت سره د خپلو ولایتې ریاستونو او خلکو عمده ستونزې د وزارت له مشرتابه سره شریکې کړې.
د دغه روزنیز ورکشاپ په پای کې د کلیو د بیارغونې او پراختیا وزارت سرپرست وزیر الحاج ملا محمد یونس اخندزاده صاحب د ولایتونو ټولو رئیسانو ته د متوازن انکشاف هدایت وکړ او وویل چې موږ او تاسو ته د دې ځوریدلی ولس د خدمت کولو امانت را سپارل شوی، باید خپل کارونه په ښه صداقت تر سره کړو ترڅو مستحقو او اړمنو خلکو ته د پروژو د تطبیق په وخت کې لومړیتوب ورکړو.
همداراز محترم وزیر صاحب زیاته کړه د دغه روزنیز ورکشاپ موخه دا ده چې د ولایتي ادارو سره همغږۍ او د اصولو سره سم خپل کارونه مخته یوسئ.
په نوموړي ورکشاپ کې دامر بالمعروف،نهی عن المنکر او شکايتونو اورېدلو وزارت سرپرست وزير شيخ محمد خالد حنفی صاحب، د دي ورکشاپ د اهمیت او ارزښت په هکله خبري وکړې او وویل، دنده یو امانت دی او باید خپل کارونه په ډیر اخلاص او صداقت سره ترسره کړو.
یاد ورکشاپ د تصدیق پاڼو په ویش او د خیر دعائيې په کولو سره پای ته ورسید.
