د تخار او پنجشیر تر منځ د ۶۱ میلیونه افغانیو په ارزښت د ۲۵ کیلو متره سړک جوړولو کار روان دی
د کلیو بیارغونې او پراختیا وزارت له لوري د تخار ولایت د ورسج ولسوالۍ له اسپوخ کلي د پنجشیر ولایت تر خاواک کوتل پورې د ۶۱ میلیونه افغانیو په ارزښت د ۲۵ کیلو متره سړک جوړولو کار ۸۵ سلنه مخکې تللی دی.
دا پروژه په درې برخو کې بشپړه شوې چې ۴۲ پلچکونه، درې – ۱۰ متره پلونه، ۱۵۰ متره سنګ کاري شوې ویاله او څه باندې ۲۰۰ متره محافظوي دیوال یې هم برخې دي.
باید ووایو چې دا د کلیو بیارغونې او پراختیا وزارت له لویو پروژو ده چې په بشپړتیا سره به یې تخار ولایت د پنجشیر ولایت له لارې له مرکز سره ونښلول شي.
