د بلخ ولایت په دولت آباد ولسوالۍ کې د اوبو رسولو د یوې شبکې چارې بشپړې او ګټې اخیستنې ته وسپارل شوه
د کلیو د بیارغونې او پراختیا ریاست تر چتر او نظارت لاندې، د UNOCHA/AHF دفتر په مالي مرسته او د IMC مؤسسې په تخنیکي همکارۍ د بلخ ولایت د دولت آباد ولسوالۍ په خیرآباد کلي کې د 71195 امریکايي ډالرو په لګښت د سولري سیسټم سره سمبال د اوبو رسولو د یوې شبکې چارې بشپړې او ګټې اخیستنې ته وسپارل شوه. دغه شبکه د 6.83 کیلو مترو په اوږدوالي او د (کور په کور شیردهن سیسټم) په نښلولو سره جوړه شوې چې پکې د 150 متر په عمق سره د ژورې څاه کیندل، د 35 متر مکعب حجم سره کانکریټي اوسپني د اوبو ذخیره جوړول، د سولرونو او د 129 شیردهنونو نښلول شامل دي چې 396 کورنۍ ورڅخه برخمنې کیږي.
